Mag-iloy ang nagpadulong sa PNP para i-claim nga ang mga frozen body parts nga damlag pa ginbilin sagwa sang NBI office ang iya sang ila nga himata.
Suno kay Police Capt Glenn Montano ang hepe sang Police Station 2, isa ka babaye upod ang anak sini nga lalaki nga taga Bacolod ang nakapadulong sa ila nga talatapan para i-claim nga ang mga frozen nga kamot, tiil kag dalunggan nga iya sang iya nga bana.
Paathag ni Montano, ginpaidalom sa DNA test ang naga claim himata kag iga cross match ini sa mga nakit-an nga frozen body parts. Mga tatlo tubtob anum pa ka bulan kag maga gwa ang resulta.
Tubtob nga mag gwa ang result suno kay Montano indi maka siling ang PNP kun bala iya sang babaye ukon lalaki ang mga body parts, kun bala gikan sa isa ka lawas ini lakip na ang pag pat-od kun bala iya ini sang himata gid man sang mag-iloy.
“(Drug personality gid man na siya sir and taga Bacolod?) wala pa man tag-iya na na confirm naton kay wala pa ang result. bale gin pa conduct ta nga kun na belong ang ina nga body part sa babaye ukon lalaki, wala pa naton na determine, tapos kun ang isa ka body part ululupod na sila sa tiil, kamo and dulunggan, isa ka lawas, wala pa ang result. indi ta ka conclude sa amon sa PNP, indi kami maka hatag statement not unless may DNA result”, suno kay Montano.
Damlag pa ginsiling ni NBI Chief Atty Renoir Baldovino nga may leads na sila sa identity sang naga panag-iya sang body parts nga suno sa iya lalaki nga taga Bacolod kag isa ka drug personality. Suno kay Montano, padayon ang imbestigasyon sang PNP.
“(wala sila family nga na missing? or drug personality nga family member? na-mention na nila?) wala. Ang ila ginkilala nila nga iya bana tapos ang bata ya ginkilala ya nga iya tatay”, suno kay Montano.
Tuyo gid man sang responsable nga maghatag sang mensahe sa NBI. Wala pa ang PNP sang may nakuha nga video angut sa mga nagalabay sa right portion sang NBI Office.
March 1 sang may nakit-an nga sako sagwa sang NBI nga naga unod sang body parts nga may note: William de Arca NBI Protector ni Hanz Lopez druglord.