Shadow

Mag asawa nga senior citizens sa La Carlota City ginpa ubrahan balay sang PNP kag sang barangay

Sa sini nga hayob hayob sadto naga puyo ang mag asawa nga Jesus Elvisita Quiyo sa Barangay Nagasi sa La Carlota City. Himos a mga cauayan, gin pang sugpon sugpon nga mga plywood ang dingding kag ginpang sugpon sugpon man nga mga sin ang atop sang balay.

Wala sila sang mga kabataan. Humalin sang dekada otsenta diri na sila naga puyo asta sa pag tigulang nila. 72 anyos na sila.

Istorya ni Lola Edy, kada mag ulan, mansig sila salod kag tukap sang atop para indi mabasa…
Sila ang napili sang PNP kag sang barangay nga mapatukuran sang balay sa idalom sang Barangayanihan nga proyekto sang PNP.

Ang PNP nagpangita sang bulig, amo man ang barangay para ma amat amat patukod ang balay sang mag-asawa kag indi na sila mabudlayan sa pag sinalayo.

Ugaling samtang ginapatukod pa lang ang balay, nagtaliwan ang mister ni Lola Edy.

Gintuman nila ang pangabay no Lolo Jesus nga kun indi niya na mahingabutan nga mahuman ang ila bag-o nga balay, luyag niya diri mahaya

Sang Sabado ginpatigayon ang blessing kag turn over sang balay kaupod ang director sang Negros occidental police provincal office lt. Col. Romy Palgue kag hepe sang La Carlota City PNP nga si Lt. Col. Jonel Guadalupe.

Ang balay, may kalan-an, may kwarto, may katre, may kusina. Ginpahimuan man siya sang lamesa kag katre kag gintagaan sang bugas kag groceries…

Suno kay Lola Edy, bisan wala na ang iya mister malipayon man siya nga na eksperyensiyahan niya man ang magpuyo sa bag-o na nila nga balay.

Suno pa sa hepe sang La Carlota PNP, may mga indibidwal na nga luyag pa gid mag hatag man sang bulig sa madayon pa gid nga barangayanihan nga proyekto nila.

Leave a Reply

Your email address will not be published. Required fields are marked *

Secured By miniOrangeSecured By miniOrange