Patay ang rider kag ang iya angkas sa motor sang mabungguan sang SUV sa National Highway, Purok Himaya, Brgy. Bagumbayan, Valladolid, pasado las 7 kaina sang aga.
Suno kay Police Capt. Bonifacio Galvez, deputy chief sang Valladolid PNP, ginkilala ang napatay nga amo sanday Alfredo kag Felicidad Barte, mag asawa nga taga Hinigaran kag naga pang edaron sang 73 kag 62 anyos.
Sa imbestigasyon sang Valladolid PNP, ang SUV kag motor parehos nga gikan sa Norte kag padulong sa Sur. Maliko tani pa wala ang motor sang nabungguan sang SUV nga gina dala sang isa ka pastor.
Wala gin hingadlan sang PNP ang driver sang SUV.
Nag istoryahanay na ang kampo sang pastor kag ang pamilya sang napatay.