Wala na makaluwas kag napatay ang mag-asawa nga Edison, Sr. kag Emelyn Hibionada sang ma-trap sa sulod sang ila nasunog nga balay sa Turquoise Street sa City Heights Subdivision sa Bacolood kaina sang Lunes sang aga.
Nag-gwa sa pagpang-usisa sang Bureau of Fire Protection nga nagtinguha pa si Emelyn nga luwason ang iya bana nga bedridden ugaling naka-kandidado ang ila nga gate.
Ang mag-asawa ang gina-updan sang ila nga caretaker kag nagabulos-bulos man bantay ang ila mga kabataan kag mga apo.
Pero natabuan nga wala sila sang may naka-upod kagab-i sang natabo ang sunog.
Ginpahayag ni City Fire Marshall Fire Superindent Jenny Mae Masip nga kapin sa P3M ang halit nga natuga sang sunog.
Indi pa mapat-ud kun ano ang ginhalinan sang kalayo kag kun diin ini nagsugod.
Ang mga kaingod balay sang mag-asawa ang nagsiling nga antes pa man natabo ang sunog nakamuno na ang mag-asawa angut sa problema sang ila air-conditioning unit.
Ini ang padayon pa nga gina-usisa sang BFP.