Mag-asawa nga sakay sa motorsiklo patay sang mabungguan sang van sa Sipalay City.
PNP nagpaathag nga buhi kag yara na sa estable nga kondisyon ang ila nga anak.
Patay ang mag-asawa nga Jerome Erosido, kag ang angkas niya nga misis nga si Elpidia Erosido, sang mabungguan sang van sa Sitio Canlayuhan, Prk. Mani, Brgy. Gil Montilla, Sipalay City Sabado sang aga.
Naga angkas man sa motorsiklo ang anak sang mag-asawa nga si Anna Rose, 18 anyos.
Suno kay Police Captain Jose Michael Nunez, deputy chief sang Sipalay PNP, pakadto ang motorsiklo sa Barangay Canturay sang nabungguan ini sang naga sugata nga van nga naglapaw sa iya nga lane.
Manug overtake ang motor sa tricycle apang wala pa man maka lapaw sa motor nabungguan na sang van.
Nagtabog sa dalan ang tatlo ka biktima nga sakay sa motorsiklo kag gindala sa Sipalay District Hospital.
Apang, suno sa kay Capt. Nunez napatay ang mag-asawa samtang si Anna Rose gindala sa ospital sa Bacolod kag karon yara na sa estable nga kondisyon.