Duguon nga naga hamyang sa dalan kag patay na ang mag asawa nga negosyante sang isda sang maabtan sang otoridad kaina pasado las tres sang kaagahon sa Fish Port sa Barangay Suba, Bayawan City, Negros Oriental. Ginpang tiro sila nga duha.
Nag angkon sila sang mga pilas tuga sang igo sang bala sa nagkalain lain nga parte sang ila nga lawas.
Sakay sa motor ang duha sang ginpangtiro sang wala pa makilala nga suspek nga gilayon nagpalagyo matapos ang krimen.
Natukiban nga matapos matiruhan, missing na ang kwarta sang mga biktima pati na ang listahan sang may mga utang sa ila. Padayon ang imbestigasyon sang PNP.