Patay ang 58-anyos nga bana, samtang pilason ang iya misis matapos sila gintiro sa Purok 2, Barangay Caranoche sa banwa sang Santa Catalina, Negros Oriental, Martes sang gab-i.
Gikan ang mag-asawa nga negosyante sa ila baligyaan kag papauli na sa ila balay sang nagluntad ang insidente.
Duha ka mga suspek sakay sa motorsiklo ang nagtiro sa mga biktima.
Gindeklarar nga dead on arrival ang bana samtang may igo naman sang bala sa tuhod ang iya asawa.
Padayon karon ang imbestigasyon sang kapulisan agud makilal-an kag madakup ang mga suspek.