Nagdesisyon na ang gobernador nga indi pagpasakaan sang reklamo ang mag-asawa nga gikan sa Pontevedra kag tigaylo batunon ang ila nga paghinyo sang pasaylo.
Suno kay Governor Eugenio Jose Lacson, nabatyagan niya ang sinsero nga mensahe sang mag asawa sang magsulat ini sa iya kag naghinyo sang pasaylo kag nag hatag sang paathag sa natabo.
Suno sa gobernador klaro man nga may ginlapas ang mag asawa sang ila nga gindeklarar nga stranded individual sila imbes nga ituad nga sila ang nag gikan sa United Kingdom.
Upod sang mag asawa ang ila nga anak sang mag pauli sa probinsya.
Ang mag asawa ang nag positibo sa COVID-19 matapos nga gin swab pag abot sa Bacolod-Silay Airport.
Suno kay Lacson ulihi na nahangpan nila ang kabug at sang ila nga ginhimo. Suno kay Lacson maga serbe ang amo nga hitabo nga leksyon sa tanan ilabi na sa mga indi nangin tampad sa ila nga mga gina buy-an nga impormasyon.