Tatlo ang pilason, lakip na ang suspek sa kinagamo nga nagluntad matapos ang selebrasyon sang Himaya Festival sa atubang sang bus terminal sa Barangay II-Poblacion, Himamaylan City, Lunes sang kaagahon.
Nag-gwa sa imbestigasyon nga papauli na kuntani sanday alyas “Kris” kag alyas “Ely”, pareho nga taga Brgy. Enclaro sa Binalbagan, sang sila ang ginbangga-an sang suspek nga si alyas “Vince”, 21-anyos, residente sang Brgy. Carabalan, kag sang iya wala pa makilal-an nga upod.
Gamit ang kutsilyo, ginbuno sang suspek si “Cris” sa iya nawala nga tiil samtang ginlabo naman sa ulo si “Ely”.
Sa pag-abot sang mga pulis, sila ang ginhandos sang kutsilyo ni “Vince” sang makaduha ka beses apang nakalikaw ang pulis, kag natiruhan ang suspek sa tiil.
Ginsiling ni Police Lt. Peter Genovia, deputy chief sang Himamaylan PNP, ginpasakaan sang kaso nga direct assault ang suspek, nga gin-alegar miyembro sang TBS gang ukon True Blood Style 13.
Ginahulat na lamang sang mga pulis ang duha ka mga biktima agud mapasaka man ang kaso nga attempted homicide batuk sa suspek.*
[sibwp_form id=1]