Sa Victorias City, mag amay arestado matapos gin labo sang samurai kag gin lampusan sang tubo ang isa ka lalaki
Padayon karon nga gina bulong sa ospital ang 51 anyos nga si Rene Salmo matapos siya nga gin pulihan sang labo kag lampos sang mag amay sa gwa sang barangay hall sa barangay 9 siyudad sang Victorias.
Suno kay Police Lt Col Eduardo Corpuz, natalana kun tani mag atubangay sa barangay ang biktima kag ang 18 anyos nga si Lyndon Buendia nga gina tudlo nag panghaboy sang bato sa balay sang iya bayaw.
Pero sa gwa pa lang sang barangay hall suno sa pulis, gin tapungol na ni Salmo ang bata kabangdanan nga nag kuha sang iya samurai ang amay nga si ramik kag ginlabo si Salmo.
Ang iya anak ang nag kuha man sang tubo kag nag balos lampos suno sa pulis.
Pareho nga detained karon sa Victorias PNP ang mag amay.