Yara ang mag-amay sa sulod sang balay sa Purok Bawug, Barangay Camindangan sa Sipalay City sang sila ang ginsulod sang suspek Huwebes sang gab-i.
Base sa imbestigasyon sang Sipalay PNP, wala sang kun ano man nga rason, gulpi lang nga ginbuno sang suspek si alyas "Molong", 61-anyos.
Ikaduha nga ginbuno sang suspek ang bata nga si alyas "Ar-ar", 35-anyos, kag naigo ini sa tiyan.
Gindala sa ospital ang mag-amay apang nagtaliwan.
Nadakpan ang suspek kag karon naka-detain sa custodial facility sang Sipalay PNP.
[sibwp_form id=1]