Nabungguan sang Toyota Vios ang ginasundan nga tricycle sa dalan nga sakop sang Purok 2 sa Barangay Tuyom, banwa sang Cauayan, Miyerklues sang gab-i.
Bangud sang impact, nakaangkon sang serious injuries ang driver sang tricycle nga ginkilala kay alyas “Dolfo”, 40-anyos kag iya pasahero nga si alyas “Jr”, 59-anyos, pareho residente sang Brgy. Tuyom.
Sila ang gindeklarar nga dead on arrival sa Cauayan District Hospital.
Nagwa sa imbestigasyon nga padulong norte sa pareho nga lane ang tricycle kag nagasunod ang awto.
Apang gulpi lang nga nabungguan sang awto ang pang-ulihi nga bahin sang tricycle.
Gindala sa Cauayan PNP ang driver sang awto nga ginkilala kay alyas “Bert”, 33-anyos, residente man sang Brgy. Tuyom.
Base sa report sang pulis, wala sang driver’s license ang driver sang awto.*
[sibwp_form id=1]