Naka gwa na sa bilangguan ang gintawag nga “Mabinay 6”. Sila ang anum ka mga gina alegar sadto sang army nga katapo sang rebelde nga grupo nga nakuhaan sang mga armas sa Mabinay, Negros Oriental.
Sa video sang Bulatlat, nangin emosyonal ang sulod sang court room sang Regional Trial Court Branch 42 sa Dumaguete City matapos ginbasa ang pamatbat nga acquitted ang “Mabinay 6”.
Matapos ang pito ka tuig, tigayon na nga naka gwa sa bilangguan ang anum tanan ka mga aktibista.
Sang kahapon gin-acquit sila sang korte batuk sa mga kaso kriminal nga ginpasaka batuk sa ila.
March 3, 2018 sang gin aresto sanday Myles Albasin, isa ka community journalist kag mass communication graduate sang UP Cebu; Randel Hermino, nga taga Negros Oriental; Carlo Ybañes sang Cebu; Joemar Indico, Joey Vailoces kag Bernard Guillen.
Gin dakop sila sang army sadto sa Barangay Luyang, Mabinay, Negros Oriental matapos gin alegar sang army nga mga katapo sila sang rebelde kag nakuhaan sang high-powered firearms.
Karon nahilway na sila sa mga aksusasyon batuk sa ila.