Serbisyo sang Land Transportation Office ang gina tuyo nga mas mapa lapit pa gid sa publiko.
Suno kay LTO Bacolod Chief, Reuben Tampos, target nga ang sa kada legislative district sa Negros Occidental mabutangan sang talatapan sang LTO.
Sa District 1, may bag-o nga building ang LTO nga paga inagurahan bwas sa San Carlos City kun sa diin si LTO Chief ASec Edgar Galvente ang dinapit nga bisita. Yara naman sa Cadiz City ang sa District 2, kag sa district 3, sa EB Magalona, nga mahimo nga maga bukas ini sa madason nga bulan.
Plano man ang pag transfer sang LTO Pontevedra sa La Carlota City.
Si Vice Governor Jeffrey Ferrer suno kay Tampos ang maga hatag sang building para diri.
Sa District 5, yara ang LTO Himamaylan kag sang nagligad lamang nga tuig, nagbukas sang LTO sa Sipalay para sa 6th district.
Suno kay Tampos ini agudto ma decongest man ang LTO Bacolod.
Samtang, paathag ni Tampos, kun may delay man sa mga transaction karon sa LTO kasubong sa vehicle registration, ini bangud nga manual nga gina patigayon ang encoding kag scanning.
Yara pa sa transition karon ang ila nga sistema.
Kun malampuwasan ang transition phase gina paabot nga mangin masulhay na.
2021 sang nag 100 percent ginpatuman ang Land Transportation Management System sa Bacolod suno kay Tampos.