Gina klaro sang Land Transportation Franchising and Regulatory Board nga may yara sang pagsulundan ang ila nga talatapan bahin sa releasing sang fuel subsidy para sa mga drayber sang pampubliko nga salakyan.
Sa tunga sang mga reklamo nga wala sila malakip sa listahan sang mga makabaton, suno kay Atty Gerry Llena ang Director sang LTFRB NIR dapat na-rehistro ang salakyan kag may yara sang prangkisa.
Kun wala man sang prangkisa dapat may yara sang provisional authority. Isa ka unit kag isa ka drayber man dapat. May iban suno kay Llena duha ang naka lista sa isa ka unit.
Sa Bacolod City may masobra sa isa 1,000 ka mga jeepney drivers and operators suno kay Rudy Catedral, presidente sang transport group nga BACOD-Manibela.
382 diri ang mga drayber kag operator nga may yara sang provisional authority. Pero ang na qualify suno sa iya 242 lamang. Isa siya sa wala na qualify.
Suno kay Llena, gina pasiguro nila nga ang mga kwalipikado ang makabaton bangud sila man ang maga panabat sa Commission on Audit kun sila ang mapaslawan sa pag patuman sini.
“Kay dapat may rason, kay kun indi siya madala, basic lang na ang rason. Wala siya na rehistro, isa na. Ika duha wala siya provisional authority. Ikatatlo, basi wala man siya unit. Pero te kun ang unit wala man na lista, anhon ta na abi. Alang-alang man ang LTFRB mag lista kun wala siya sa nalista nga unit”, suno kay Llena.*
[sibwp_form id=1]