Yara na sa sulod sang Philippine Area of Responsibility ang low pressure area nga gina monitor sang PAGASA.
Yara ini sa east sang Eastern Visayas kag sa subong may medium nga chance nga mangin isa ini ka bagyo sa sulod sang 24 oras suno pa sa PAGASA.
Ginapaabot nga magatabok ini sa Northern Luzon kag sa Biyernes malapit na ini sa landmass.
Duha ka scenario ang gina lantaw sa LPA, posible nga mangin isa na ini ka bagyo antes magtabok sa Luzon ukon mangin bagyo na ini pagkatapos nga magtabok sa Central Luzon.
Ang easterlies sa karon ang naga apekto sa Visayas lakip na sa Negros kag ini ang rason sa pagbubo sang ulan ilabi na kun hapon kag kun gab-i.