Ang low pressure area sa sulod sang Philippine Area of Responsibility ang isa na ka tropical depression ukon mahinay nga bagyo.
Gintawag na ini nga Neneng. Yari ini sa 1,035km east sang extreme northern Luzon kag ginapaabot nga indi ini mag landfall sa Pilipinas kag maga diretso na pa Taiwan.
May ika duha pa gid nga LPA pero yara pa sa gwa sang PAR, yara naman ini sa west portion sang Cagayan kag gina forecast man nga indi ini magsulod sa PAR kag ma rekta pa China.
Kag ang ikatlo nga bagyo yara pa sa gwa sang PAR east sang northeastern Mindanao.
Bisan indi mag landfall sa Pilipinas ang bagyo, ginabutong sini ang Habagat nga amo ang nagadala sang ulan sa malapad nga area sang Luzon, Western Visayas kag Negros Island Region.
Posible pa ang mga pagbubo sang ulan sa Negros tubtob sa Miyerkules.