As of 2pm, yara na sa 1,220 km east sang Southeastern Luzon ang low pressure area.
May mataas na ini nga tsansa nga mangin isa ka bagyo sa masunod nga 24 oras.
Kun mangin isa na ka bagyo paga tawgon ini nga Wilma. Ini ang pinaka una nga bagyo subong nga bulan sang Disyembre, kag ika 23 na nga bagyo sini nga tuig nga nag sulod sa Pilipinas.
Ginapaabot nga karon sa gab-i ukon bwas aga masulod na ini sa Philippine Area of Responsibility.
Gina forecast sang PAGASA nga posible sa Eastern Visayas ukon sa CARAGA Region ma landfall ang bagyo kag tabukon na naman sini ang Visayas.
Ngaa Visayas na naman? Tandaan basta bulan sang Nobyembre kag Disyembre ang mga bagyo nga naga sulod sa Pilipinas sa Visayas masami naga agi. Gina duso ini papanaog sang high pressure area.
May masunod pa ayhan nga bagyo? Pwede, kay man suno sa PAGASA isa tubtob duha ka bagyo ang ginapaabot nga magasulod sa Pilipinas sini nga Disyembre.
Kun mangin bagyo na si Wilma, mabaskog bala ini nga bagyo?
Ginalantaw nga mabunok nga ulan ang dala sini kun mangin isa ka bagyo kag ang Amihan amo ang naga pugong nga mag kusog ini nga bagyo.
Sumugod Biyernes nga adlaw posible na nga maka eksperyensya sang mabunok nga ulan tubtob sa weekend.
Gani posible ang malala nga baha pati na landslide.
Sa subong indi pa gid specific ang kabaskugon sang bagyo kag ang track forecast sini, gani mas mayo kun naga tutok kita sa DOST PAGASA kag sa balita para i monitor ang mangin lakat sang sini nga LPA.*