Naglab ot sa siete mil ka mga indibidwal ang nabakunahan sa ginpatigayon nga Bayanihan Bakunahan 4 sa Bacolod.
Manubo ini sa 12 mil ka mga indibidwal nga target sang Emergency Operations Center sa 3 days vaccination program.
Suno kay Dr. Edwin Miraflor, OIC sang City Health Office, mahimu naka apekto ang malain nga panahon sang weekend kag indi man malipod nga may mga unvaccinated nga wala na sang gana magpabakuna ukon magpa booster shot.
Sa pihak sini gindugang ni Miraflor nga nalapawan na sang siudad ang target population para sa vaccination program.
Gani posible nga paga estriktohon na ang pag-require sang mga commercial establishment kag iban pa nga institution sang vaccination cards sa masunod nga binulan.