Sa bulan sang Agosto maga pungko ang Love Negros agudto talakayon ang sitwasyon sa kada distrito may kaangtanan sa gina paabot nga 2025 elections.
Ini suno kay Negros Occidental Governor Eugenio Jose Lacson nga napaathag nga maga una sila sa mga congressmen sa pagtalakay sa nagkalain-lain nga sitwasyon sa kada distrito.
Pag ka bulan naman sang Setyembre paabuton ang announcement sang ila nga mangin teams sa kada district.
Bahin sa First District suno kay Lacson, nag manifest na si anay Congressman Jules Ledesma nga willing siya mag-unify sa grupo ni anay Mayor Richard Jaojoco sang Toboso.
Suno kay Lacson ang Toboso ang naga isahanon nga lugar sa first district nga ginapakontrahan sa kada piniliay.
Sini lamang nagpost si Councilor Richard Jaojoco sang litrato nila ni Congressman Gerardo Valmayor nga may caption: Solid First ipadayon ang pag Asenso sa Toboso.
Suno kay Lacson natalana pa sila nga magpungko ni Valmayor may kaangtanan sa sitwasyon sa first district.
Samtang, ang bahin naman sa fifth district ginsiling ni Lacson nga ang UNEGA kag Love Negros coaltiion ang magapamati sang mangin sentimiento sang mga alkalde sang kinto distrito.
Naga gwa ang istorya nga si Dina Arroyo-Tantoco ang maga papili sa congressional seat kag maga bunggo kay Congressman Dino Yulo, pero sa pag tililipon sang mga mayor sang 5th District upod kay anay presidente Gloria Macapagal Arroyo pila ka semana ang nagligad wala man sang announcement ukon endorsement para kay Arroyo-Tantoco nga natabo.