Ang mga long weekend kasubong sang holidays sa karon dala sang Semana Santa kag Araw ng Kagitingan daku ang bulig sa pag tib-ong sang turismo.
Regular nga holiday ang Hwebes Santo kasubong man Biernes Santo kag wala man trabaho sa Lunes, Abril 10 bangud sang pag- idog sang Araw ng Kagitingan.
Una nga pahanumdom ni Negros Occidental Governor Eugenio Jose Lacson sa mga Negrense amo nga mag pangmuyo kag mag pamalandong kag dumdumon ang kahulugan sang pag sakripisyo sang Ginoo para maluwas ang katawhan.
Sa iya nga bahin iya ipasiguro nga siya ang maga bisita sa simbahan kag makasimba sin inga holy week.
Pasalig naman ni Lacson nga ang seguridad sa probinsya plastado na. Ang mga malawig nga bakasyon daku nga higayon para sa turismo kag gina lauman suno sa iya ang pagdagsa sang mga turista kag ini ang ginahandaan man sang probinsya.
Samtang, Suno kay Provincial Administrator, Rayfrando Diaz pagasundon sang kapitolyo probinsyal ang memorandum nga ginpa gwa sang presidente nga naga suspend sa half day sang trabaho sa talatapan sang gobyerno sa Miyerkules Santo.