Patay ang 77 anyos nga lolo matapos ini malapakan kahapon sang truck sa highway bahin sang Barangay Dancalan sa Ilog. Ang biktima amo si Reynaldo Genito Jr.
Suno kay Capt Thurslie Castillo, hepe sang Ilog PNP, yara sa pareho lang nga lane ang motorsiklo nga ginadala ni Genito kag sang truck nga kargado sang tubo.
Ma overtake man kun tani ang motor sang biktima upod sang duha ka salakyan nga una na nga nag overtake apang na alang alang ini kay malapit na sa kurbada.
Indi pa mapat-od sang pulis kun nag lumpat ukon natumba sa iya nga motor si Genito bangud sa tunga nga goma sang truck siya nga nalapakan. Detained ang driver sang truck kag pasakaan man ini sang kaso sang pamilya suno sa pulis.