Nasapwan nga patay kahapon sang aga ang 62 anyos nga lolo matapos ini malumos sa suba sa Barangay Calamba sa Guihulngan City sa Negros Oriental.
Ang biktima amo si Marino Gantalao, 62 anyos.
Sa imbestigasyon sang PNP, gin pangita sang lolo ang iya sini apo sang Miyerkules sang gab-i bangud sang makusog nga pag inulan.
Samtang naga lakat sa dike sa kilid sang suba, suno sa pulis, nahulog si Gantalao kag ini ang naanod sang makusog nga daludo sang tubig sa suba.
Si Gantalao ang na record nga casualty sa pagbaha nga nag luntad sa Guihulngan City.