Patay ang 78 anyos nga si Cornelio Tiamsing matapos mabungguan kahapon sang Ceres bus samtang nagasakay sa iya nga motorsiklo sa highway sa Barangay Gargato banwa sang Hinigaran.
Suno kay Captain Ryan Villasario, hepe sang Hinigaran PNP, pareho nga nagadalagan padulong sa sur ang motor kag ang bus sang hinali mag liko gikan inner lane pakadto outer lane ang motor.
Bangud sang gulpi nga pag liko suno kay Villasario, ulihi na naka preno ang driver sang bus kag iya nabungguan si Tiamsing.
Dead on arrival sa ospital ang lolo.