Patay ang 74 anyos nga lola matapos masunog ang iya gina istaran nga balay sa Barangay Oringao sa Kabankalan City kagab-i.
Sandig sa imbestigasyon sang Kabankalan Bureau of Fire Protection, nakainom ang biktima nga si Maolin Amblosa sang amo nga gab-i kag masami sini nga gina saylo-saylo ang kingki kun naka inom.
Posible ang kingki amo ang gintunaan sang kalayo suno sa BFP.
Nasapwan ang bangkay sang lola malapit na sa pertahan sang iya balay gani mahimo nag tinguha pa ini mag gwa suno sa BFP apang wala na maka gwa dala sang pagdako na sang kalayo.
Padayon pa investigation sa karon sang BFP.