Patay ang 74 anyos nga lola matapos ginbuno sa sulod sang iya payag sa Sitio Tala-tala, Barangay Napacao, Siaton, Negros Oriental sang Sabado.
Sa inisyal nga imbestigasyon sang PNP, naga preparar sang pamahaw ang biktima sang ginsulod ini sang isa ka lalaki kag ginbuno sa atubang sa iya nga apo.
Gindala pa siya sa ospital pero gindeklarar nga dead on arrival pag abot sa ospital.
Padayon ang pagkilala sa suspek kag pag usisa sang PNP kun ano ang motibo sa pagpatay sa senior citizen nga biktima.