Ginakabig super centenarian nga si Lola Francisca Susano sang siudad sang Kabankalan ang mahimu magabaton sang isa ka milyon ka pesos nga reward.
Sang ini lang nga sabado nagsaulog sang iya ika 124 nga kaadlawan si Lola Francisca Susano nga taga siudad sang Kabankalan.
Gani ginduso man sang katapo sang Kongreso nga siya ang mapasidunggan pinaagi sa financial grant bangud man sang iya nalab-ot nga monumental achievement.
September 11, 1897 sang ginbun-ag si Lola Francisca.
Suno kay Senior Citizen party-list representative Rodolfo Ordanes, nabaton na sang Guinness World Records organization ang mga documents para kilalalahon siya nga world oldest living person.
Ginalauman sang kongresista nga maamligan si Lola Francisca kag mahatag man ang iya mga ginakinahanglan.
Gina-usisa naman karon sang party-list group kun nabakunahan na si lola pati na ang mga naga-tatap sa iya.