As of 3pm nagsaka na sa 19 ang napatay kag masobra 100 ang pilason sa natabo nga magnitude 7.8 nga linog sa Sarangani Province Lunes sang aga. Negros Occidental magapdala sang team para magbulig sa search and rescue operation didto.
Antes nagsugod ang programa para sa mga commercial establishments nga naga kolekta sang used cooking oil para himuon nga bio diesel, nag halad sang pangamuyo ang mga natambong para sa mga nagkalamatay sa natabo nga magnitude 7.8 magnitude nga linog nga nag sentro sa Sarangani Province kaina sang aga.
May mga commercial buildings nga nagkalakuhaan sang video samtang nagaka rusdak, may mga kabataan nga naga hilibion samtang gina ayag sang linog ang lugar samtang naga pagtigayon sang flag raising ceremony.
Suno sa kay deputy speaker kag Bacolod Lone District Congressman Albee Benitez, dapat nga mangin handa ang tanan sa bisan ano pa nga sahi sang kalamidad nga mag igo sa aton.
Sa 3:00 pm nga report yara sa 19 ang gin report nga napatay sa linog base sa record sang Office of Civil Defense.
Suno kay OCD spokesperson Junie Castillo, 16 sa mga napatay yara sa Soccsksargen, samtang tatlo naman ang sa Davao Region.
134 ka indibidwal naman ang gin-report nga nagkalasamaran kag may pito nga missing.
Nagapadayon pa ang assessment kag padayon man ang pagsaka sang numero. Panawagan ni Benitez sa mga LGU sa Negros nga magpadala sang bulig sa mga lugar nga labing apektado.
Suno kay provincial administrator Rayfrando Diaz, ang Negros Occidental PDDRMO ang natalana nga magpadala sang Collapsed Structure Search and Rescue teams Sarangani bilang sabat sa panawagan sang OCD.*
[sibwp_form id=1]