Local revenues sang probinsya sa 2020 tubtob 2021 ang nagnubo sa 40 por siento.
Rason nga tutukan karon sang Negros Occidental ang mas maayo nga tax collection.
Suno kay Provincial Administrator Rayfrando Diaz gina lantaw man sang probinsya ang pag balik operate sang mga enterprises nga naapektuhan tungod sang pandemic.
Isa na diri ang Mambukal Resort and Wildlife Sanctuary. Gina paabot man ang pag operate na sang food terminal sang probinsya.
Ang Negros Residences may mga bookings naman, pero may mga kalay-uhon pa antes pa man ang lubos nga pag operate sini. Nag ganar naman ang CyberCentre sa nagligad nga pito ka bulan.
Paathag ni Diaz, mas labing apektado ang 2020, tion sang ginpatuman ang mas hugot nga community quarantine kasubong sang enhanced community quarantine.
May mga lessee ang probinsya nga nag ayo sang discount kasubong sang Ayala kag 888 kag ini ang ginpasugtan man bangud sang sitwasyon.