Pagbiya ni Vice President Sara Duterte sa gabinete sang Marcos Administration ang indi maga apekto sang pulitika sa Negros. Samtang labing importante man karon nga gilayon makakita sang maga tal-os sa bise presidente sa Department of Education.
Ini suno kay Negros Occidental Governor Eugenio Jose Lacson nga nagsiling nga ang pulitika sa Negros local politics kag naga pabilin nga mabakod ang coalition sang Love Negros nga iya gina tapuan kag sang United Negros Alliance.
“Our politics is local and our coalition remains to be strong. Definitely the resignation of a secretary will not affect our local politics”, suno kay Lacson.
Politically suno sa iya ang pag-resign ni Vice President Duterte naga pakita nga indi na unified ang UNITEAM bangud may nag separar na. Pero may mga naga pabilin pa man base sa collaboration sa iban nga partido sang partido ni Presidente Ferdinand Marcos.
“It’s becoming clearer now that there’s already a separation. The UniTeam is no longer unified. Meaning to say part of the team is showing it is separating from the administration”, suno kay Lacson.
Bukas naman si Lacson sa kun sin-o ang mahimo niya mangin kasumpong sa gubernatorial race sa 2025.
Damlag pa ang ang PDP nga gina pamunuan ni anay Presidente Rodrigo Duterte ang nagpa gwa sang pahayag paagi kay Atty Jayvee Hinlo nga kun kinahanglan mahimo maga field sila sang kandidato sa pagka gobernador sa 2025 kag si anay Mayor Francis Frederick Palanca ang ila nga gina lantaw.
Samtang, ginsiling man ni Lacson kaina nga lubos ang mangin suporta sang coalition kay Vice Governor Jeffrey Ferrer nga tuyo mag papili bilang 4th District Congressman sa 2025.
Ini sa tunga sang naga gwa man nga istorya nga si anay DPWH Regional Director, Lea Delfinado ang maga kontra kay Ferrer sa 2025.
Wala pa man sang official announcement ang UNEGA bahin diri pero ini ang gina istoryahan naman sang publiko suno kay Lacson.
Ginapaabot nga mangin manok sang UNEGA si Board Member Jose Benito Alonso nga suno kay Lacson kumportable man siya nga mangin kaupod.