Pila sa mga provincial kag city officials gina-abi-abi ang posibilidad nga mangin house speaker si Congressman-elect Albee Benitez.
Para kay Bacolod City Councilor Al Victor Espino dako nga higayon para sa siudad ang posibilidad nga mapili si Mayor kag karon Congressman-elect Albee Benitez bilang house speaker.
Si Benitez ang ginkabig karon nga top contender para pamunuan ang kongreso.
Gindugang ni Espino nga bahin sa pagserbisyo, madamo na sang napamatud-an ang alkalde.
Gani nagapati siya nga may ikasarang ang alkalde sa amo nga palangakuan. Gina-abi abi man ni re-elected Cadiz City Mayor Salvador Escalante, Jr. ang amo nga posibilidad para kay Benitez.
Ginapaabot man ni Governor Eugenio Jose Lacson nga Negrense ang mangin speaker sa 20th Congress.
Ugaling indi basta-basta ang ka-kompetensya sang alkalde sa pwesto bangud si House Speaker Martin Romualdez ang ginasiling sa gihapon nga ginasuportahan sang “supermajority” sa kongreso.