Maga sugod na bwas ang local campaign period.
Pamuno sang Commission on Elections sa probinsya ang naga pahanumdom sa mga kandidato nga indi na mag lisa pa sa ila tagsa ka plata porma.
Ginsiling ni Atty Ian Lee Ananoria nga indi pagkalipatan sang mga kandidato nga isa lamang ka adlaw ang eleksyon.
Ang kampanya ano man ka init dapat ang indi i-personal sang mga kandidato.
Indi man dapat sila mangin pikon. Kay luyag man nila mag serbisyo sa pumuluyo, magatutok na lamang sila sa kun ano ang matanyag nila nga pag pangalagad sa ila.
Kadungan man bwas ang pag patuman sang nationwide Oplan Baklas.
Suno kay Ananoria, tatlo ka adlaw antes sang Marso 28 dapat nakakas na sang mga kandidato ang mga campaign materials sa mga lugar nga wala gina tugutan sang COMELEC.
Paga serbehan nila sang notice ang mga kandidato nga ang mga campaign posters makabig illegal kasunod sang patigayunon nila nga operation sa Biyernes.