Bisan ang mabunok nga ulan wala maka pugong, sa opening salvo sang Asenso Victoriahanon kag After Sunset party sa Victorias City.
Sa pagpanguna ni mayoralty candidate Javi Benitez kag running mate nga si vice mayoralty candidate Junb Bantug III ginpalab-ot sang grupo ang ila mga tinutuyo sa bahin sa mga proyekto tuhoy sa economic recovery, pagpasanyug health and services,edukasyon, dugang nga reporma sa bahin sang panghimanwa kag iban pa.
Kaupod sang grupo ang mga nagapapili sa pagka konsehal nag upod man sa opening salvo sanday Governor Eugenio Jose Lacson kag Vice-Governor Jeffrey Ferrer, incumbent Congressman Kiko Benitez, anay congressman kag Bacolod City mayoralty candidate Albee Benitez.
Sa Silay City naman, nagcaravan naman ang mga kandidato sang Asenso Silay sa pagpanguna ni incumbent Mayor Mark Golez kag sang iya nga mga kapartido.
Sa Bacolod, nangin pinasahi naman ang opening salvo sang independent candidate nga si Ricardo “Cano” Tan nga nag parada sa Burgos public market.
Kaupod niya ang mga dinosaurs kag panda nga mascots nga mga replica sang mga comic characters nga makit-an man sa ila nga resort.
Bwas dungan nga ang kick off sang kampanya sang Asenso Bacolod sa Paglaum Sports Complex kag sang Grupo Progreso naman sa Bacolod City Public Plaza.
Dungan sang pagsugod sang local campaign ang nagapadayon nga operation baklas sang Task Force Baklas nga ginapangunahan sang Comelec Bacolod.
Kaina ginbalikan sang task force ang dalan Lacson kag ginkakas ang mga oversized kag iban pa nga campaign materials nga wala nabutang sa designated common poster areas.