Duha sa lima ka mga katapo sang media nakaboto sa pagsugod sang local absentee voting sa Comelec-Bacolod.
Nagsugod na sa pagbaton sang mga absentee voters ang COMELEC-Bacolod humalin kaina sang aga.
Duha sa lima sa naka-rehistro nga katapo sang media ang nakaboto na. Ginsiling ni Election Officer Atty. Revo Sorbito ang mga balota nga matipon ang ipadala nila sa COMELEC main office sa Manila.
Pila sa mga pulis kag soldado ang nakasugod naman naka-boto sa ila tagsa ka headquarters.
Tubtob Abril 30 ang absentee voting agud nga matagaan kahigayunan ang mga kapulisan, army, government employees kag katapo sang media nga makaboto antes sang May 12 National kag Local elections.
Sa Negros Occidental, may 1,880 tanan ang mga naka-rehistro para sa absentee voting.