Shadow

Loading kag unloading areas para sa modernized jeepneys ginpahamtang sa mga dalanon para mapaiway ang gamo

YouTube player

Ang pasakaay sang pasahero ang rason sang paglinalisay sa tunga sang drayber sang modernized kag tradisyunal nga jeep sa nagalapta karon nga video sa social media.

Gani agud man malikawan ang kasubong nga komprontasyon nga sarang makatuga man sang huol sa mga pasahero, ang pamunuan sang Bacolod Traffic Authority office kag Traffic Enforcement Unit ang gilayon nga nagpahamtang sang traffic enforcers sa mga paradahan sang jeep.

Nagbutang man sila sang loading kag unloading area para sa mga modernized jeepney nga yara lang sa likod sang paradahan sang tradisyunal jeepney.

Ginpatawag namana ni Mayor Albee Benitez ang atensyon ni Bacolod city police director Col. Thomas Josep Martir agud nga matagaan atensyon ang problema sa tunga sang modernized kag traditional jeep karon nga ginapatuman ang modernization program sang Department of Transportation.

Ang katapo sang Negros Bacolod Transport Coaltion ang naghinyo naman sang bulig sa Land Transportation Franchising and Regulatory Board, Land Transportation Office kag sa konseho sang siudad para masolusyonan ang nagaluntad nga problema sa rota sang traditional kag modernized jeep nga nagabyahe sa siudad.

Secured By miniOrangeSecured By miniOrange