Pagpatuman sang border control ang posible, kun para lamang malikawan ang liwat nga pagtimbuok sang Covid-19 cases.
Ini suno kay Negros Occidental Governor Eugenio Jose Lacson bilang isa mga ginalantaw tikang nga ipatuman para mapangapinan ang probinsya ilabi na karon nga may omicron variant na sa pungsod.
Magapabilin ang istrikto nga pagpatuman sang S-Pass sa tanan nga maga sulod sa probinsya suno kay Lacson.
Nag amat-amat na man ang liwat nga pagsaka sang covid-19 case sa Metro Manila, pero sa pinaka ulihi nga datus sang Provincial Incident Management Team, naga pabilin nga manubo ang active Covid-19 cases sa Negros Occidental – 172 as of January 2.
Ginsiling ni Lacson nga sa masami ang naga katabo sa NCR nagakatabo man sa mga probinsya gani dapat handa ang probinsya.
Liwat nga ginsulit ang pagsunod sa pag gamit sang face mask, physical distancing kag handwashing. Sa karon, nagapabilin sa alert level 2 ang Negros Occidental.