Nakita sa CCTV footage suno kay Police Major Joery Puerto nga gin bantayan sang duha ka lalaki ang pag abot sang salakyan kun sa diin sakay ang ginpatay nga si Angelica Montalvo sang nagligad semana.
Suno kay Puerto, naga parking pa lang ang salakyan nanday Montalvo nga gina maneho sang iya live in partner, nagsulod na ang holdupper nga may dala nga armas.
Didto na dasun ila ginpa drive ang live in partner sa Barangay Cabug kag sa bahin sang Oroland gintiro si Montalvo.
Suno sa PNP, base sa autopsy report, duha ka bala ang nakita sa ulo ni Montalvo.
Ginatudlo karon sang PNP ang live in partner nga amo ang suspek sa natabo nga krimen bangud suno kay Puerto, athag nga gin planuhan ang pagpatay sa biktima kag ang anggulo nga love triangle amo ang ila ginalantaw nga motibo.
Dugang pa ni Puerto nga sadto anay, ginbungguan si Montalvo sang salakyan sang iya live in partner kun sa diin siya ang nasamaran.
“Kay te may previous incident nga siya ma ni ang nag bunggo kay Angelica, amo ni ang cause sang injury ni Angelica nga may steel ni ang kamot kag tiil niya,” suno kay Puerto.