Setyembre 30 pa sang gin-isyuhan man sang notice to pay sang City Legal Office ang 1,261 ka mga stall owners sang Central, Libertad kag Burgos public market sa Bacolod.
Suno kay City Administrator Boyet Maghari, nga kun mapaslawan pa gid ang mga market vendors nga magbayad sa pihak sang ginhatag nga extension, ipasirad-an man sang siudad ang ila gina-okupar nga stall kag itugyan sa mga yadtong interesado nga mag negosyo sa merkado.
Kahapon gintagaan man sang siudad sang certificate of recognition ang mga market vendors samtang naga-comply sang ila mga requirement sa siudad para man sa lease contract.
May masobra sa P24M ang utang nga ginasukot sang siudad sa linibo nga mga stall owners sang tatlo kag mga dalagko nga merkado sang Bacolod.