Napatay sa adlaw mismo sang paskwa ang empleyado sang Negros Oriental II Electric Cooperative (NORECO 2) matapos ini ma kuryente samtang ginakaayo ang electric lines agud mabalik ang kuryente sa Barangay Tugas, Tanjay City nga naapektuhan sang paglaslas sang Bagyo Odette.
Ang napatay ginkilala kay Ronald Gallarde, miyembro sang clearing and restoration team sang NORECO 2.
Ginkasubo man sang NORECO 2 ang pagkamatay ni Gallarde nga ila ginakabig Warrior of Light.
Ang NORECO 2 nagpahayag man nga bisan adlaw sang paskwa, padayon ang pagtrabaho sang ila team agud mapadasig ang pagbalik sang kuryente sa mga naapektuhan nga lugar sa Negros Oriental.