May ginakay-o sa ibabaw sang poste ang isa ka lineman sang Northern Negros Electric Cooperative sang siya ang nakuryente sa Barangay Lo-ok, banwa sang Calatrava, Negros Occidental, sini nga Biyernes sang aga, Hulyo 25.
Ginhingagaw rescue sang mga katapo sang Calatrava DRRMO ang lineman nga ginkilala kay alyas “Jovi” kag gindala sa Calatrava District Hospital apang siya ang gindeklarar nga dead on arrival.
Sa karon, indi pa maistorya ang upod nga lineman ni “Jovi” bangud sang shock.
Sa inisyal nga impormasyon, nagresponde sa lugar ang duha ka lineman matapos nag-request sang assistance ang isa ka eskwelahan.
Ang poste kun diin naga-troubleshoot ang lineman, ang nahamtang sa gwa sang eskwelahan.
Ginsiling ni Atty. John Deles, Area Operation Manager sang NONECO, may pagabatunon nga benefits, insurances kag financial aid ang himata sang nagtaliwan nga lineman.
Ang line warrior nga si “Jovi” ang may isa ka bata.
