Iga finalize pa sang Love Negros ang linyada sang grupo kag isa ka pagsapol kaupod sa mga opisyales kag mga alkalde ang natalana.
Suno kay Governor Eugenio Jose Lacson sang Love Negros, sa provincial level halos na plastar na magluwas na lamang sa 5th district.
Ginapaabot ang mangin desisyon ni Board Member Tinto Bascon, ini kun bala maga pa re-elect siya ukon maga papili bilang alkalde sang Himamaylan City.
Kun mag papili man si bascon bilang mayor sa himamaylan iya nga bungguon si mayor Raymund Tongson nga katapo sang UNEGA. Indi pa maka siling si Lacson kun mangin sona libre ini kun madayon gid man ang pag bungguanay sang duha.
Maga pangita naman sang ibulos sa pag ka board member kun matigayon si Bascon sa mayoralty race.
Halos tanan nga congressman naman ang maga pa re-elect magluwas sa 6th district, bangud maga papili liwat si Mercedes Alvarez. Iya nga tal-usan ang iya amay nga si Congressan Genaro Alvarez, kag sa second district naman liwat nga magapapili si Alfredo Maranon, III para sa Kongreso.
Suno kay Lacson may mga 18 tubtob 19 ka mga alkalde sa probinsya ang yara sa Love Negros. Nag porma sang alliance ang Love Negros kag UNEGA damlag pa.
“As far as the province is concerned, the governor, vice governor and all incumbent board members except sa 5th district na lang no. We still don’t know what the decision of Board Member Tinto Bascon is….you know we have not reached that decision yet. Because really want to wait for his decision, Board Member Tinto’s decision. We will only act accordingly after he makes his decision,” suno kay Lacson.