Wala pa man sang schedule para sa isa ka convention ukon assembly sang Love Negros sa 6th District pero suno kay 6th District Congresswoman Mercedes Alvarez, pero kinahanglan gid man nila nga mag pungko para man lakip nga matalakay ang mga alliances.
Suno kay Alvarez wala pa naka abiso si Governor Eugenio Jose Lacson nga isa sa mga lideres sang Love Negros bahin sa pagsinapol sang grupo.
Pero, kay may mga alliances nga natukod suno sa kongresista isa ini sa ila man nga talakayon.
Wala pa lubos nga naplastar ang line-up para sa 6th District suno sa iya. Isa sa ginabantayan sa 6th District ang mayoralty race sa Kabankalan City.
Maga pa re-elect ang incumbent mayor nga si Benjie Miranda.
Naga gwa iya mangin challenger amo sanday board member Valentino Miguel Alonso nga damlag pa nag pabutyag sang interes sa amo nga position kag anay Mayor Isidro Zayco, nga tubtub karon gina paabot nga mag pa gwa sang opisyal nga pahayag.
Si Alonso ang katapo sang United Negros Alliance, si Zayco naman ang katapo sang Love Negros.
Si Miranda ang katapo naman sang Partido Federal ng Pilipinas.
Samtang, ginsiling ni Alvarez nga siya ang maga pa re-elect.
“I think we will all sit down. We have political alliances with other parties. Pungkuan gid ina. We also have to consider ang gin pirmahan nga alliance and probably there would be agreements on the side as well”, suno kay Alvarez.