Lin-ay sang Himamaylan nga si Lyzabelle Blythe Villa ang ginkilala bilang Muse of the Media.
Ini matapos ginpatigayon ang press presentation sang Bieyernes kun sa diin ang 27 ka mga kandidata ang isa-isa nga nagsabat sa mga pamangkot gikan sa media.
Nasaksihan man ang abilidad sang mga Lin-ay sa talent competition nga ginpatigayon pagkatapos sang press presentation.
Samtang, handa na ang tanan sa pagbukas sang 27th Panaad sa Negros Festival sa Lunes.
Sa Lunes sang aga maga bukas una ang Best of Negros Products Trade Fair, kasubong man ang food alley, ang Livelihood Village, Bamboo Village kag Animal Exhibit Areas sang Provincial Veterinary Office sa Panaad.
Masaksihan man ang simultaneous opening sang Themed Pavilion kag sa hapon naman ang grand opening ceremony.
Suno kay Festival Director Cheryl Decena si Tourism Sec Christina Frasco ang nag kumpirma.
Ginahulat ang kumpirmasyon nanday Senador Bong Go kag Francis Tolentino as of press time.
Sa gab-i maga perform ang December Avenue Band.
Samtang ipatuman naman ang gun ban sa amo nga selebrasyon.
Suno Capt Judesses Catalogo ang Spokesperson sang Negros Occidental PNP, sakop sini ang bilog nga Negros Occidental.
Maga sugod ini 12:01 am sang April 17, tubtob 11:59 pm sang April 23, 2023.