Arestado ang lima ka mga persona sa ginpatigayun nga drug buy-bust operation sa Prk. 3, Brgy. Isio, Cauayan, Negros Occidental, Lunes sang gab-I.
Ginkilala ang mga nagkaldakpan nga amo sanday Jerome Perez, Robinson Suerte, Joemar Ibañez, Evegen Talanquienes,mga lunsay mga residente sang Brgy. Isio, Cauayan, Negros Occidental kag Perey Peruelo kag residente sang Brgy. 40 Bacolod City. At-large naman si Pancho Tabujara Jr.
Nakuha sa ila ang isa ka sachet sang suspected shabu nga amo ang buy-bust item, tatlo ka iban pa nga heat sealed plastic sachet nga may unod nga iligal nga droga kag tatlo ka nabuksan nga plastic sachet nga may unod sang ginapatihan shabu, kag mga drug paraphernalia.
Ginabulubanta naga bug-at sang anum ka gramo ang nakumpiskar nga illegal nga droga gikan sa mga nagkaladakpan nga may standard drug price nga 40, 800 pesos.
Yara na karun sa kustodiya sang kapulisan ang lima ka mga suspetsado kag kasuhan sang paglapas sang RA 9165.