Lima ka mga NPA guerilla fronts sa Negros ang tigayon na nga na dismantle.
Ini suno kay Lt. Col. J-Jay Javines ang pamuno sang Division Public Affairs Office sang 3rd Infantry Division.
Pinaka ulihi nga na deklara sang 3ID sang December nga dismantled na amo ang South West Front.
Ginahulat na lamang nila ang Joint Resolution suno kay Lt Col J-Jay Javines ang pamuno sang Division Public Affairs Office.
Ginpahayag ni Presidente Ferdinand Marcos Jr nga wala na sang active nga guerilla front sa pungsod as of December 2023.
Ini bilang resulta sang anti insurgency campaign sang gobyerno.
Sa national media interview sa militar may 13 na lamang ka nabilin nga weakened ukon naghuyag nga NPA guerilla fronts.
Nagapati si Governor Lacson nga bisan pa nga naghuyang na ang NPA, sila ang padayon nga maga pabatyag para mapakita nga may pwersa pa sila.
Samtang, kaina sang aga may engkwentro nga natabo sa tunga sang tropa sang 79th Infantry Battalion sang Philippine Army kag katapo sang NPA sa Barangay Cambayobo sa Calatrava.