Lima ka mga scholars sang Negros Occidental ang nag graduate gikan sa 2-year Early Childhood Education and Care program sa gikan sa Alana Kaye College sa Darwin, Northern Territory, Australia.
Ini sila amo kanday Kristine Irish Esclares sang Victorias City; Artmari Getonzo kag Riva May Manuel, sang Sipalay City; Chloe Napaton sang Moises Padilla; kag Pamela Joie Sobrebiga sang Binalbagan.
Kabahin sila sa mga estudyante gikan sa 25 ka pungsod nga nag kumpleto sang competency-based course.
Si Negros Occidental Governor Eugenio Jose Lacson ang isa sa mga humalambal sa ginpatigayon nga Graduation Rites.
Suno kay Lacson ginpangabudlayan sang mga graduates ang ila nga pagtuon labi na nga nag biya sila sa ila tagsa ka mga puluy-an.
Ang kasubong nga milestone nagapamatuod sang ila nga dedication.
Ang mga Negrense graduates ang recipient sang international scholarship initiative sang gobyerno probinsyal nga naga tuyo sa pag upgrade sang training, skills, kaalam kag global exposure sang mga Negrense.