Nagdangat sang kapin 2.4 milyones pesos ang halit nga gintuga sang sunog pasado las 11 Sabado sang gab-i sa Zone 12, Brgy. Handumanan, Bacolod City.
Sa report sang Bureau of Fire Protection, apat tanan ka balay ang na-apektuhan sang sunog sa diin tatlo diri ang totally destroyed samtang isa naman ang partially damaged.
Ang mga tag-iya sang balay amo sanday Barbie May Belaño, Beverly Belaño, Jose Donald Allaga kag Berserey Belaño. Padayon pa nga gina usisa sang BFP-Bacolod ang gintuna-an sang kalayo.
Sabado sang hapon isa man ka balay sa may Villa Villeta Subdivision sa Brgy. Estefania ang nasunog.
Gina panag-iyahan ang balay ni Lorena Calip.
Wala sang tawo sa balay sang nasunog ini kag bag-o gid lang nagbalik ang kuryente sa lugar matapos ang walo ka brownout sang masunog ang balay.
Padayon pa nga gina usisa kun ano ang ginhalinan sang sunog.