Ginsiling sang organizer sang MassKara Festival 2025 nga may lima ka evacuation points nga ginplastar sa Lacson Tourism Strip bilang kabahin sang seguridad kag preparasyon para sa tatlo ka adlaw nga selebrasyon sang highlights nga nagsugod na subong nga adlaw Oktubre 17 kag tubtob Oktubre 19.
Suno kay Mark Raymund Garcia, site director sang Lacson Tourism Strip, nag-coordinate sila sa kapulisan, Bureau of Fire Protection (BFP), Bacolod CDRRMO kag iban pa nga ahensya agud masiguro ang safety sang publiko.
Para sa Ramos Area, ang designated evacuation site amo ang Chowking ukon Caltex, para naman sa BPI Area, amo ang 17th Street exit nga nagadulong sa Aguinaldo Street kag San Agustin Drive, para sa Mayfair Area, amo ang 12th kag 13th Street exit nga pakadto sa Aguinaldo kag Hilado Street, para sa VSB Building Area, amo ang 7th Street exit nga nagadul-ong sa 6th kag 7th Street.
May yara sa kapin 100 ka food kiosks, 60 ka sponsor booths, kag anum ka stages nga ginplastar sa Lacson Street, nga sirado halin las 4 sang hapon tubtob alas 3 sang kaagahon.
Ginatos ka mga pulis ang ipahamtang sa area, kag may 20 ka portalets nga libre magamit sang publiko.