Lima ka mga dugang nga radar assisted nga traffic lights iga-install sa Bacolod.
Ang San Juan Street kag Burgos Street intersection sa reclamation area isa sa mga masako nga alagyan sang mga motorista.
Gani kabahin ini sa lima ka mga areas nga butangan sang high tech nga traffic lights sang City Engineer’s Office.
Ginpahayag ni OIC Engr. Loben Ceballos, radar assisted ang mga traffic lights gani mas epektibo ini kun ikumparar sa daan nga mga traffic lights.
Kasubong ini sang mga traffic lights nga may push button para sa mga pedestrian nga na-install sa North Capitol Road, Buri Road kag atubang sang Police Station 6.
Nalakip sa mga lugar nga butangan sang bag-o nga traffic lights ang Sofia Gonzaga Street sa Barangay Estefania, corner Lacson Street extension kag Alijis-Murcia road, corner San Juan Street kag BS Aquino drive kag corner Araneta-Circumferential road sa Barangay Pahanocoy.