Naghatag na ang Cadiz City government sang bulig pinansyal sa pamilya sang pito ka tuig nga bata nga napatay matapos nakuryente sang Sabado sa Cadiz City Park.
Suno kay Mayor Salvador “Bading” Escalante Jr., ginsabat na sang ciudad ang bayad sa punerarya, kag ginpahimuan sang pantyon ang Grade 2 student nga biktima. Naghatag naman ang siudad sang bulig para sa haya sini.
Samtang, gin mando man ni Mayor Escalante nga ipabilin anay nga sira sang park tubtob sa Disyembre 15.
Sa Disyembre 15 naman patigayunon ang switch on ceremony sang mga Christmas decorations sa park.
Subong kuntani nga adlaw ang schedule sang switch-on ceremony.
Apang ini ang ginpa-isol sang alkalde bangud sang naga padayon nga imbestigasyon sa insidente.
Sabado sang na kuryente ang menor de edad sa ground light sa park.